أعمل ايه
اترددت كتير أوي قبل ماكتب المرة دي مع إن الموضوع ده مهم عندي جدا بس مكنتش عارفه أتكلم فيه مع حد ولا لأ المهم قلت إني عامله مدونه عشان اكتب فيها أي حاجه أنا عايزاها أيا كانت سياسة ,دين
أو موضوع اجتماعي أو حتى حاجه شخصيه و ده موضوع شخصي و يمكن ميهمكوش ف حاجه
لو قرأتوه أو لأ و يمكن كمان تفتكروه موضوع عبيط و إني واحده فاضيه مش لاقيه حاجه …تكتب فيها بس هو مهم عندي و أنا محتاجة أعرف رأي ناس كتير فيه
بالرغم من إني ممكن أتكلم ف السياسة و أنا مش خايفه ببقى حسه إني مش بعمل اللي المفروض أعمله عشان مصر ببقى حسه إني مش بدافع عن بلدي زي ما في ناس كتير بتعمل عشانها و مش بيهمها حاجه غير مصر يعني أنا مش بنزل مظاهرات ولا اعتصامات غير قليل أوي و ده مش عشان أنا عايزه كده ولا عشان خايفه من البلطجيه بتوع الأمن لأ ده أنا ببقى نفسي أنزل كل مظاهره و أبقى أول واحده توصل و مش أفوت حاجه منها و المرات القليلة اللي بنزل فيها مظاهرات ببقى بجد نفسي أفضل موجودة مع المتظاهرين و متخلصش المظاهرة ساعتها بحس أوي إني ف بلدي و بين المصريين بجد و إني بحب مصر أوي و مش ببقى خايفه خالص
بس المشكلة بقى اللي مخلياني حاسة إني مش بعمل اللي المفروض أعمله عشان مصر و مش بنزل المظاهرات هي أمي بتبقى خايفه أوي إن يجرالي حاجه لو نزلت خايفه لأتاخد مثلا ف أمن الدولة و أنا كلمتها كتير أووي في الموضوع ده و قلتلها إني خلاص اخترت الطريق ده ولازم أستحمله بحلوه و مره بس مفيش فايده و رافضه إني أنزل و كمان أني أكتب ف سياسة بس ده أنا مش هقدر أوقف ده لو حصل إيه و دايما أنا و هي ف مشاكل بسبب الموضوع ده و بتصعب عليا كتير و ناس كتير قالولي إني أنانية أوي و إني مش خايفه عليها بس أنا اخترت طريقة حياتي والمفروض يكون ليه الحق ده بس المشكلة كلها ف أمي و أنا دلوقتي محتارة بجد و مش عارفة أعمل إيه هل أصمم على اللي أنا عايزاه و اللي شايفاه صح و أفضل مكمله الطريق اللي اختارته ولا أبقى كده فعلا أنانية و ظلمت أمي؟؟؟
ملحوظة:أنا بجد مش بقدر أعمل حاجه أنا مش مقتنعة بها عشان كده مش قادرة أوافق على اللي أمي بتقولي عليه حقيقي محتاجة رأى ناس كتير
posted by fadwa @ 8/03/2006 02:32:00 م
20 Comments:
At 8/03/2006 5:01 م,
kareem said…
" ....
إن أبنائكم ماهم بأبنائكم ...
فلقد ولدهم حنين الحياة إلى ذاتها ..
فيكم خرجوا إلى الحياة ... وليس منكم ..
وإن عاشوا فى كنفكم .. فما هم بأبنائكم ..
قد تمنحونهم حبكم ... ولكن دون أفكاركم ... فلهم أفكارهم ..
ولقد تؤون أجسادهم ... لا أرواحهم ... فأرواحهم تسكن فى دار الغد ... وهيهات أن تلموا به ولو فى خطرات أحلامكم ..
وفى وسعكم أن تجتهدوا لتكونوا مثلهم ... ولكن لا تحاولوا أن تجعلوهم مثلكم ... فالحياة لا تعود القهقرى ... ولا هى تتمهل عند الأمس ... "
من ترجمة الدكتور ثروت عكاشة لرائعة جبران خليل جبران " النبى " ...
عزيزتى فدوى ...
أحببت أن أبدأ بهذا المقطع الذى أتمثله دائما عندما ألمس قدرا من فرض توجيهات عليا فى العلاقة بين الآباء والأبناء فى المشاكل التى أسمع عنها والتى يتدخل فيها الآباء فى الأمور المتعلقة بالحرية الفردية لأبنائهم .
فدوى ...
حريتك لا يحق لأحد أن يحجر عليك فيها ،أعرف أن والدتك تخاف عليك ، لكنها لن تعيش معك مدى الحياة ، فسيأتى يوم تضطرك فيه ظروفك إلى أن تنفسلى عن عائلتك لأى سبب دون تحديد ... وعليك وقتها أن تواجهى الواقع بنفسك ... تتفاعلى معه بنفسك ... خياراتك الحقيقية هى التى يجب أن تظهر وقتها ، وإن لم تتفاعلى مع الحياة فى الوقت الذى تعيشين فيه مع عائلتك لن تجيدين التفاعل معها بشكل صحيح عندما تنفصلين عنها ، أتحدث بشكل عام ، فسواء كان إختيارك هو المشاركة فى التظاهرات أو التجمعات العامة أو غير ذالك مما قد يعرضك لبعض المخاطر المادية ، من قال أننا آمنون على إنفسنا فى هذا الوقت الحرج ، من السهل جدا أن يتم القبض على أى شخص وتلفيق قضية له دون ذنب أو جريرة ، تقفيل قواضى زى ما بيقولوا ، وحتى إن حدث وتعرضت لأى سوء ، سواء قبض عليك وإعتقلت أو تعرضت للضرب أو الإهانة ، كلها تجارب ستساهم فى إنضاجك حياتيا ، أنا على سبيل المثال أجد فترة السجن على الرغم من أننى لم أعانى كما عانى معتقلو التضامن مع القضاة قد أفادتنى كثيرا ، يكفى أننى عرفت هذا المكان وخبرته وتعاملت مع المسجونين من كافة الإتجاهات السياسية ...
أفعلى ما تريدين فعله ... ولا تترددى ... إعتذرى لوالدتك بلطف وأخبريها أن هذا طريقك الذى إخترته بكامل إرادتك وأنك على أتم إستعداد لتحمل تبعات هذا الإختيار ( هذا إن وجدت نفسك حقا كذالك ) ...
أتمنى لك التوفيق ...
وأن أرى تعليقاتك فى مدونتى ...
وتحية مسبقة إلى الأستاذ خالد خليل ... قبل أن يشرع فى التعليق .... وأحب أن أنوه سيادته أن إعتراضه على حذف أحد التعليقات فى مدونتى ليس فى محله لأنه كان مكررا ويبدو أن صاحبه أرسله مرتين فحذفته لعدم وجود داع لتكرار التعليقات ... وليس فى الأمر أى شىء آخر... وعليه أن يتصفح مدونتى جيدا ليجد كم التعليقات الخارجة التى لم أفكر فى حذف أى منها ( إلا فى بعض الأحوال ) على الرغم من أننى لا أرى أن حرية التعبير تتضمن سب الآخرين والعيب فى ذواتهم ... غير أننى أؤمن بالحرية المطلقة للإنسان طالما لم تتجاوز آثارها المادية حدود حرية غيره ..
تقبلوا جميعا تحياتى..
وأعتذر للأخت فدوى عن الخروج عن الموضوع الأصلى ..
كريم
At 8/04/2006 3:02 ص,
khalakhelo said…
بداية لا أود أن أكرر كلام كريم, ففي رأيي هو محق تماما في أن لكل انسان اختياره, و مادام قد اختار عن قناعة فليدافع عن خياره, لكني إضافة إلى هذا أريد أن أتكلم في منحى آخر, من الواضح أن علاقتك بأمك لا تزل جيدة, و هذا شيء جيد, فأغلب الأمهات و الآباء لا يحتملون فكرة أن أبنائهم لهم رأي مستقل قد يناقض رأيهم الشخصي و بالتالي لا يسمحون بمجال للمناقشة أو الحوار, مما يزيد الفجوة بطريقة طبيعية جدا, لكن بالنسبة لك أمك تخاف عليك لا تعارضك أو تحتقر التظاهر و المتظاهرين مثلا , إنما فقط تخاف عليك من بطش يد لا تبالي بضحاياها, ربما لا يمكنني الخوض في الموضوع بكامل تفاصيله, لكن أرجو أن يكون كلامي واضح, نحن الآن لسنا بصدد الحديث عن مظاهرة غاندية, ليس لأننا لسنا هنود, فثورة الحق ليس لها وطن, لكن لأن العدو(مصري كان أو اسرائيلي) ليس كالمستعمر البريطاني لو تفهمين قصدي, أنا لست ضد مشاركة البنات (أو الاناث بصفة عامة) في الحياة السياسية, بل على العكس أرى أنهن يبذلن جهودا -في الغالب- تزيد عن جهود الذكور أو تضاهيها, ليس لأنهن نصف البشر بل لأنهن كل البشر كما نحن أيضا كل البشر, لسنا بصدد استصدار طائفي جديد للجنس, لكني أردت أن أقول أن الضغوط عليهن تكون أكثر, و أنا هنا لا أتحدث عن ضغوط اجتماعية, فما أقصده مرفوض اجتماعيا و هو من قلائل المظالم التي يرفضها المجتمع.
لم أرد اثباط عزيمتك, لكني فقط أريد تنويهك بأن ما تخشاه أمك أكثر من يومان في سجن, و في النهاية القرار لك, أعترف أن قرارك كفتاة أصعب كثيرا من قراري, لكني حقا لا أعرف كيف أفعل لو كنت مكانك
في النهاية, مشاركتي غير مجدية, أعتذر على اخفاقي
كريم أهلا و السلام عليك
تصفحت بعض التدوينات عن اختيار عشوائي, و أذكر أن في تدوينة عن مالك, رد عليك أسامة(usama) بما لا يمكنني سرده هنا, الآن أظنك مخطئ بعدم حذف بعض التعليقات التي تمس قارئها بسوء حتى لو لم يكن المستهدف, تماما كما يسب شخص آخر في الشارع, يؤذي جميع المارة, نعم تحولت عن موقفي لكن أرى من الأفضل أن تكتب تعليق صغير عما حذف لأسباب مماثلة خشية سوء الفهم
أعتذر أنا الآخر لفدوى على تحويلنا مدونتها لمرتع لحديث جانبي خاص
At 8/05/2006 3:55 ص,
بحب مصر said…
طبعا انت حرة تعملى اللى انت عايزاه
و مصر عمرها ما هتكون احسن بسياسة الخوف اللى اهالينا غلطوا و ربونا عليها
و اعرفى انك بالطريق اللى اخترتيه بتخدمى بلدك و اهلك
ونصرة اخوانك فى كل مكان فرض عليكى من ربنا
و لا طاعة لمخلوق فى معصية الخالق
فى كل زمان فى ناس اختاروا يكونوا متميزين و يكافحوا علشان غيرهم ومن غير الناس دى كانت البلاد غرقت فى الظلم , و لو اخترتى تكونى من الناس دى و لو بقدر قليل تبقى من فرسان الجيل ده و تكونى عايشة لهدف نبيل كتير من الناس اللى تعرفيهم مايسمعوش عنه اساسا
و ريحى دماغك و اعملى زينا كلنا , ماتقوليش لحد بتعملى ايه و لا بتروحى فين
At 8/05/2006 3:55 م,
fadwa said…
شكررررررا بجد كنت محتاجه أوي أعرف رأيكم خصوصا ان معظم اللي أعرف بيهجموني دايما ف رأيهم مش بيساعدني بالعكس بيحسسوني اني دايما أنا اللي غلط و هما اللي صح عشان بفكر بطريقه مختلفه بس عمرهم مبيقدروا يخلوني اتراجع عن أفكاري و يقولولي اني مبعملش غير اللي ف دماغي المهم اني مكنتش المره دي عارفه أعمل ايه؟؟؟
بس بجد كلامكو خلاني مصممه على اللي بعمله و فعلا لازم اتمرد شويه مادام أنا مقتنعه باللي بعمله
شكرررا يا كريم و يا خالد و يا بحب مصر
At 8/05/2006 5:15 م,
حائر في دنيا الله said…
ودي مشكلتنا جميعاً مع آبائنا هم يريدوننا جنب الحيط إن لم يكن داخل الحيط نفسها
يردون تريبتنا وتعليمنا والخوف على لقمة العيش يفعل اكتر من كده
ولكن
هل بالخوف والمشي جوار الحيطة نجا احد من الاعتقال او سلمت البلد او انصلح حالها
عموما
الموضوع دوما يحتاج الي مناقشة داخل الاسرة وبهدوء فهم في النهاية آبائنا وأمهاتنا الذين تعبوا وطلع عينهم علينا
At 8/05/2006 10:40 م,
khalakhelo said…
مبتعمليش غير اللي في دماغك!, إذن ؟
المفروض يعني تعملي اللي في دماغ مين ؟
At 8/06/2006 7:42 ص,
fadwa said…
يا حائر في دنيا الله أنا بجد تعبت كلام أحاول أقنعها بس برده مفيش فايده و برده مصممه و عايزه تبعدني عن السياسه بس أنا مش هستسلم و أفضل أحاول معاها
عند كتير أوي من المصريين يا خالد لو مبتعملش زيهم أو زي اللي ف دماغهم هما تبقى غلطان و دايما يحاولوا يخلوا الواحد زيهم قال يعني كده بيهدوه للطريق الصحيح
At 8/06/2006 2:09 م,
shoowbash said…
طب عادي
ريحيها
قوليلها ياماما انا شلت الموضوع ده من دماغي خااالص
وعمري ماهنزل مظاهرات علشان المظاهرات دي وحشه
وانزلي براحتك
هوه اه هيبقي كدب بس عادي
انتي مبتعمليش حاجه غلط
وتبقي برضه مزعلتيش مامتك
وحسستيها انك عمرك ماهتروحي مظاهرات
بس ممكن تخشي النار علشان الكدب :))
At 8/06/2006 2:33 م,
fadwa said…
مانا نويه أجرب الوصفه دي انهارده يا شوبش بس هيه مش هتبقى كده بالظبط
هاقولها اني نازله مع بابا و هنزل لوحدي
At 8/06/2006 9:46 م,
anameen said…
انا عايز اقولك كلمتين بس لو والدتك حست انك مقتنعة باللي انتي بتعملية وانك مش مضحوك عليكي زى ما بيقول كل الاهالي الصورة عند والدتك هتتغير والقلق عامة شيء طبيعي لكن هيتبدد بمرور الوقت لكن طبعا لازم تستمري في الطريق اللي انتي اختارتية لنفسك وما تتراجعيش عنة
At 8/07/2006 11:58 ص,
khalakhelo said…
يا باشمهدز حضرتك مين, المشكلة مش في قناعة الأهل بالقضية, في الغالب يبقوا هما نفسهم مستعدين يتظاهروا لكن ولادهم لأ, زي ما فدوى بتقول ان والدها ممكن يروح, لكن والدتها مش عايزاها تروح لوحدها
ليه نحبس العصافير في أقفاص, و لما نفكر في حريتهم نقول بنحميهم من الحداية
سيب باب القفص مفتوح, ولا دول كمان أسرى و سبايا ؟
At 8/08/2006 12:09 ص,
fadwa said…
هوه بالظبط الكلام اللي خالد خليل قالوا هوه اللي بيحصل بس باركولىىىىىى
أنا بدأت انتصر فعلا
At 8/08/2006 10:51 ص,
khalakhelo said…
مبروك
عقبال مالحق ينتصر
At 8/08/2006 1:41 م,
بنت امي الغالية said…
عارفه فيه مووضعات كثيرة قوي بنفكر نكتب فيها ولا لا بس صدقيني اول ما تحبي تكتبي اكتبي على طول فضفضي المدونة معمولة عشان كده
اما موضوع حب مصر فده موضوع كبير قوي
اكبر من اي حد فينا كلنا بنحبها ساعات نحبها وي وساعات عادي ساعات نموت عشانها وساعات نموت فيها وبيها بس المهم اننا متاكدين اننا بنحبها واهلنا كمان ليهم حق الطاعة واحنا لنا حق الجحرية بس ياريت نوازن بين الاثنين
At 8/11/2006 11:48 ص,
fadwa said…
تمت إزالة هذه الرسالة بواسطة مشرف على المدونة الإلكترونية.
At 8/12/2006 12:39 ص,
ميليجي said…
هو يبدوا ان كلامي مش هايفرق كتير
لكن يبدوا انك عايزة تسمعي اللي على هواكي...مش اكتر...يعني اللي يريحك ...ويبدوا ان حواليكي ناس كتير يريحوكي
مش من حقك تكدبي على ممتك علشان خوفها عليكي ومش نصلح الغلط بغلط ولوكدبتي على ممتك عمرك ما هتكسبي احترام نفسك....وصدقيني لو كان ربنا ساترها معاكي .... فعلشان خاطر دعاها ليكي وانتي نازلة من بتكم ....واللي باللي انتي ناوية عليه ده ...يبقى انتي رفعتي غطاء الستر عنك
طبعا انا على قد فرحي بكل الشباب اللي علق بحماس وقالك استمري وحاول يدلك على طريق الكدب...فأنا حزين على ده في نفس الوقت...لأني ما ظنش ان حد يرضى ان اختة تكدب عليه وعلى ولدتها وهي نازلة.....أنا بجد مصدوم...أذاي نبقى عايزين نبني دولة الحق وفنبنيها على الباطل...!!!!!
خوف ما متك عليكي من حقها وانتي لو مكنها قلقك على بنتك مش ها يقل عن قلقها عليكي
يمكن اكون خنقت على ثورة الحماس بتاعتكم
بس الصح صح
..................وغدا القاكم
سلام مؤقت
At 8/12/2006 12:40 م,
fadwa said…
لأ يا مليجي أنا لو كنت عايزه أكدب كنت هكدب من الاول و من غير متناقش معاها و من غير ماكتب الموضوع ده أسئلكوا أعمل ايه بس أنا متأكده ان ده مش حل عشان انا بعمل حاجه مقتنعه بيها و المفروض مكنش خايفه أنا كان قصدي لو صممت على اللي أنا عايزاه ده يبقى ظلم ليها ولا لأ بس أنا معاك ان لو احنا اللي عايزين نصلح البلد هنكدب يبقى فعلا عمرها ما هتتصلح
بس كمان خوفها عليا حاجه و فرض رأيها حاجه تانيه يعني أكيد من حقها تخاف و تنصحني و تعرفني الصح من الغلط بس أنا كمان من حقي أختار اللي انا عايزاه
بس ده اللي أنا أقصده
و شكزا على رأيك
At 8/12/2006 12:42 م,
fadwa said…
صح يا بنت البلد
و شكرا على تعليقك
At 8/13/2006 9:55 ص,
أُكتب بالرصاص said…
رضاهم
رضاهم
ثم رضاهم
ثم اعملي برضه اللي انت عايزاه
ماحدش يقدر يمنعك
وهم فخورين من جواهم بك
ولكن خايفيين عليك
g o
o n
At 8/13/2006 1:49 م,
fadwa said…
شكرا يا أكتب بالرصاص
w isA
i will go on
إرسال تعليق
Links to this post:
إنشاء رابط
<< Home