هما مين

هما مين و إحنا مين ...؟؟؟

هما مين وإحنا مين

هما الأمراوالسلاطين

هما المال والحكم معاهم

و إحنا الفقرا المحرومين
حزر فزر شغّـل مخك
شوف مين فينابيحكم مين ؟

..............
إحنا مين و هما مين

إحنا الفعلا البنايين
إحنا السنة وإحناالفرض
إحنا الناس بالطول والعرض
من عافيتنا تقوم الارض
و عرقنا يخضر بساتين
حزر فزر شغل مخك
شوف مين فينا بيخدم مين ..؟؟

................
هما مين و إحنا مين ؟؟
هما الامرا والسلاطين
هما الفيلا والعربية
و النساوين المتنقية
حيوانات استهلاكية
شغلتهم حشو المصارين
حزر فزر شغل مخك

شوف مين فينا بياكل مين ..؟؟

....................
إحنا مين و هما مين

احناقرنفل على ياسمين
إحنا الحرب حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ..؟؟
................
هما مين و إحنا مين
هما الامرا و السلاطين
هما مناظر بالمزيكا
و الزفة و شغل البوليتيكا
و دماغهم طبعاً استيكا
بس البركة فى النياشبن
حزر .. فزر شغل مخك
شوف مين فينا بيخدع مين ..؟؟؟
.....................
هما مين و إحنا مين
هما الامرا و السلاطين
هما بيلبسوا أخر موضة
و إحنا بنسكن سبعة في أوضة
هما بياكلوا حمام و فراخ
و إحنا الفول دوخنا و داخ
هما بيمشوا بطيارات
و إحنا نموت في الأوتوبيسات
هما حياتهم بمبي جميلة
هما فصيلة و إحنا فصيلة
حادي يا بادي يا عبد الهادي
يا اللي عليك قصد الغنوادي
لما الشعب يقوم و ينادي
يا إحنا يا هما في الدنيا دي
حزر فزر .. شغل مخك
شوف مين فينا حيغلب مين

كلمات الشاعر : أحمد فؤاد نجم

...................

احنا الشعب المصرى الطيب الغلبان و دىحاجه معروفه
لكن هما.....يبقوا مين؟؟؟؟؟؟؟؟؟؟؟؟
يبقوا الامرا و السلاطين المتريشين عالاخر و اللى المفروض يأكلونا قبل ما يطفحوا,و يشبعونا قبل ما يجيلهم تخمه لو لسه مجاتش و يكبس الأكل على أنفسهم من كتر ما بيلغوا من تعبنا و شغلنا احنا,والمفروض برده يوفرولنا فرص شغل بدل م ينهبوا فلوسنا و يسافروها على بره و يعطوا لأنجلهم المحترمين حقنا و يعيشوهم في (جمال) و (عز) و (كمال) و رفاهية مفيش بعدها و يسيبوا ال7 مليون اللى مش لاقيين شغل و اللى اكتر منهم و مش قادرين يتجوزوا و يسيبوا الاطفال اللى مرميه فى الشوارع يشربوا سجايرو يناموا جنب الزبالة بدل ميدخلوا مدارس و يعيشوا زى أي طفل

فى أي بلدعادى رئيسه بيحترم ناسه

لكن بقى هما مش فالحين غير في انهم يبنوا مستقبل أنجلهم و يجوزوهم جوازات السلطه بالمال و يدمروا مستقبلنا احنا و اهو بدل ما يبقى عندنا سيدة اولى بس يبقى عندنا ثانيه و ثالثه كمان و كلوا على حساب الشعب يعنى مبيدفعوش مليم من جبهم و مدام عايشين على حسابنا يعنى ببلاش و انتوا طبعا عارفين ابو بلاش كتر منه و عندهم هما و تكتر منه ليه ماتنهبه كله و تريح دماغك و تقرف الناس

و كمان عندهم بجاحه ميه ميه يعنى يوم ما النجل المحترم ينكشف و هو في رحله سريه للبيت (الأسود) قصدى الأبيض يقولوا لك كان بيجدد رخصة طيارته هو اسم النبى حارسه عنده طياره طيب جابها منين؟؟؟ أنا مش بشكك في ذمه ماليه ولا حاجه ماشى

عالعموم ربنل يزيد و(يبارك) يمكن تكون طياره لعبه و احنا اللى مش واخدين بالنا
ده هو حتى مثل للشاب اللي اعتمد على نفسه على اساس انه مكانش معاه واحد على عشره من اللي معاه دلوقتى و قدر يوصله من نفسه مش عشان ابن رئيس ولا حاجه لحسن مخكوا يروح لبعيييييد

أبدا ده راجل (شريف) جدا خالص, و احنا اللى وحشين خالص مالص و دائما كده ظالمين الناس اللى سهرانه كل يوم على سرقتنا و بهدلتنا في الأقسام و المعتقلات بتهمة حبك يا مصر