بحبك يا مصر
بحبك بحبك
بحبك بحبك
بحبك بحبك بحبك
يا مصر
مسايا و صباحى
أسبح بحبك
و حبك شفايا و جراحى يا مصر
و اسافر بحبك
و اميل زى ميلك
وتحلا الخطاوى
فى حبك يا مصر
واحب اغترابى
فى صبحك و ليلك
و احب الونس بالرفاقه
يا مصر
***
تنام الدموع فى العيون الهواجع
و تسهر دموعى
فى حبك يا مصر
تهون السجون
و الشجون
و المواجع
و يغلا مع القهر حبك
يا مصر
ولو يحبسونى
ولو يشنقونى
ولو فكروا بالعذاب
يبعدونى
ح أقرب و أقرب
ومش ممكن أهرب
و تنزل دموعى على خدودى
تشرب
تلاقى الرموش و الخدود و المباسم
مراسم
و صورتك عليهم يا مصر
بحبك بحبك
بحبك يا مصر
أحمد فؤاد نجم
******
بس ايه هيه مصر اللى بنعشقها أوى كده مصر الارض ولا الناس مصر اسكندريه و بحر اسكندريه ولا مصر الصيادين و المراكبيه مصر أسوان و طيبة أهل اسوان ولا مصر بنت سمرا بضفيرتين من النوبه ولا مصر الصعيد و حدة ملامح الصعايدة و لا مصر الثأر ولا الجدعنه ولا مصر الفلاحه و الفلاح اللى يوماتى يصحوا مع اول نور يشقشق عشان يخضروا البساتين ولامصر الجيرة والصحوبيه ولا مصر رمضان و فوانيس رمضان و لمة العيلة عالفطار ولا مصر المسحراتى و معاه طبلته ولا كحك العيد و البومب و الصواريخ ولا مولد السيدة ومولد سيدنا الحسين ولا سينا و ولادنا اللى واقفين عالحدود لأجل يحموا بلدنا من الصهاينه و الأمريكان ولا مصر هي الشباب عالنواصى و البنات فى البلكونات ولا مصر البنت الدلوعه ولا حمالة الأسيه ولا عيال نايمين فى الشوارع ولا مصر الغيطان و نور الشمس يبرق عليها زى الدهب ولا مصر النيل عليه العشاق متجمعين ولا مصر الصحرا محتاجه لتعمير بادين شبابهااللى عشانها ياما ضحوا كتير ولا مصر القاهرة و الزحمه و الأتوبيسات عامله قافله فى الميادين ولا مصر الفراعنه ولا مين؟؟؟؟؟؟؟؟؟؟؟؟
بس الأكيد ان مصر مش هى اللى بتغرق عبارات ولا هى اللى بتقلب قطارات ولا هى اللى بتحرق مستشفيات بالأطفال ولا هى التوريث ولا هى الحراميه اللى ناهبين قوت الناس و هربانين و فى منهم اللى لسه قاعدين ينهبوا فينا أكتر وأكتر و أكيد ان مصر مش هى الكبار اللى مش هممهم غير مصالحهم و سايبين الشعب يولع
ولا مين هى مصر؟؟؟؟؟؟؟؟؟؟؟؟؟؟
posted by fadwa @ 7/10/2006 02:41:00 م
21 Comments:
At 7/11/2006 6:29 م,
غير معرف said…
gamda moooooooot ya fadwa makontesh a3raf enek fanana keda ;)
am Harvey :)
harvy_stick
At 7/11/2006 7:15 م,
غير معرف said…
wooooooooooooooooow bgd gamed ya doda ana te7a
At 7/12/2006 7:06 م,
غير معرف said…
aiiiiiiiiiih al 7law de bgd bravooo 7low 2oooooooe ya nagmat al most2bl --(",)--
am amir
At 7/12/2006 7:14 م,
fadwa said…
شكرا لكل اللى دخلوا عالمدونه
At 7/13/2006 3:22 م,
حائر في دنيا الله said…
مصر هي كل من ذكرتيهم في البداية وهي ما صنعناه نحن في نهاية حديثك
At 7/13/2006 5:31 م,
moony said…
فعلا مصر زى ماقال حائر فى دنيا الله.
للاسف ناسها و شعبها اللى خلوا نهايتها كده
At 7/13/2006 6:13 م,
بحب مصر said…
مصر هى أحلى بلد فى الدنيا اللى هنضحى بوقتناو ارواحنا فداها و مش هنسيبها للحرامية ينهبوها و مش هنسمح لاى حد يخلينا عايشين غرباء فيها , مصر اللى طول ما احنا عايشين على ارضها مش هنطاطى و نغمض عينينا و يوم ما ده يحصل ساعتها مانستهلش ننسب نفسنا ليها
مصر حبى الاول و الاخير
وباذن الله مصر بكرة احسن
At 7/13/2006 7:27 م,
fadwa said…
ايوه احنا اللى وصلنا مصر للى هي فى بس اكيد ان احنا اللى نقدر رجعها منه و نخلى فعلا زى ما قولتو مصر احلى و اجمل و ان شاء الله قريب بس احنا منخفش أبدا
At 7/13/2006 7:31 م,
fadwa said…
فعلا احنا اللى وصلنا مصر لكده بس ان شاء الله احنا برده اللى هنرجعها منه
و ان شاء الله السكه مش طويله و فاضل على كل الحراميه زقه و ربنا معانا
At 7/14/2006 11:00 ص,
باحث عن الحق والحرية said…
مبروك علي المدونة وان شاء الله تكون كلماتها حاجة ولو صغيرة ترجع حاجة من جمال مصر تصحي نايم وتفكراغافل وتحسسنابلحظة كرامة مجروحه وشرف ضايع وبمستنقع التخلف والقهر والاستبداد
At 7/14/2006 11:26 ص,
fadwa said…
الله يبارك فيك
و يارب فعلا نقدر نغيرحاجه حتى لو صغيره زى ما قلت و ان شاء الله هنرجع مصر تانى
At 7/14/2006 12:08 م,
اللي ما يتسمى said…
هي تقريبا كل اللي فات
هي دي مصر, هو ده الوهم الكبير
و هي كمان الجزء الأخير
هي البلح متشعلق عالنخيل
و هي كمان الموت عالسرير
موت اللي بالشلل مربوط
مستنيه من يومه, ولا عمره منه يفوت
هي دي مصر و هو ده اللي كان
هتبقىذكرى حلوة تحكيها لأحفادك
كان ياما كان يا سعد يا اكرام و كمان يا علام
كان في مصر
At 7/14/2006 6:26 م,
fadwa said…
مصر مش ممكن تموت
مصر مش ممكن تبقىذكرى مصر هتعيش و احنا اللى هنموت
At 7/14/2006 10:25 م,
نفس اللي ما يتسمى said…
مصر مش ممكن تموت
مصر ماتت و كان اللي كان
وحدوه
لا إلاه إلا الله
مصر مش ممكن تبقى ذكرى
مصر عايشة بيننا بكرة
مصر شعب, مصر فكرة
شعب مات و بإيديه دفن ثراه
لا إلاه إلا الله
يمكن تكون لسسه عايشة
يمكن لسه عالأرض ماشية
لكن لفين, لأرض حاشية
في بطنها روح اللي فات
واللي فات يا أخت فدوى
أرض خضرا و نهر جاري بين البلاد
يسقي العباد
و شعب ينحت في صخر ناشف
لجل جيل من نفسه خايف
لجل قوت عاله
اللي فات يا أخت فدوى مات
مات و لسه بنقتله
و نلفه في أكياس و نفتله
عشان نشبع جوع الأرض
عشان نبيع
لازم نبيع
ماعادش لينا غير نبيع
يمكن نقدر يوم نشتري نفسنا
لو فضلنا
At 7/15/2006 2:24 م,
fadwa said…
لأ نبيع لأ نبيع بلدنا لأ نبيع مصريتنا لأ صدقنى مصر بتتولد من جديد بس يمكن الولاده متعثره شويه كتير بس مصر
ولاّده
ولله مصر ولاّده
At 7/22/2006 7:24 م,
Khaled Khalil said…
مصر ولادة ؟
قريتي حارتنا لنجمك ؟
حلوة مش كده
***
-بتاكل ولادها
=حتولد ألوف
***
عارفين انها ولادة, بس هتولد مين
بتولد حرامية و تولد مساكين
عافة حكاية حلة جحا ؟
بيقولك جحا استلف من جارته حلة
بعد اسبوعين رجعلها حلة صغيرة قاللها دي بنتها
بعد كمان اسبوع جت تاخد حلتها قالها ماتت
تفتكري حلتنا لسه عايشة ؟ يا ريت
At 3/03/2007 4:27 ص,
Sharm said…
الله عليكي
اختيار رائع
At 3/20/2007 4:04 م,
غير معرف said…
اكره المصرييين و لكني استثني غرباءهم فانا اعشقهم طوبا للغرباء
At 12/03/2007 4:52 م,
Du3a2 said…
مش هرد غير
بحبك يا مصـــــــــــــــــــــر
At 3/15/2008 3:13 م,
غير معرف said…
مصر ام الدنيا
بادينا نرفعها
انا بجد بحبها لدرجة حب مفيش حد وصلها
لدرجة انى بقررر وان شاء الله اكون
رئسة مصر علشان احميها
سا مصر يا ام الدنيا يا احلى الاوطان
At 3/24/2008 9:52 ص,
أبو نزار عبد الرحمن الشرقاوى said…
كلامك عشرة على عشرة مصر هى الإنسان هيه المصرى مش الأرض مصر بالمصريين مش العكس أنا الأنسان خليفه الله فى ارضه والأرض دى مسخرة ليا مصر فى خدمه المصرى مش العكس مصر مش ممكن تكون من غير المصريين لكن المصرى إنسان ممكن يكون فى أى مكان يا ريت نبطل تقديس للأرض الماديه على حسب الكائنات البشريه الروحيه
إرسال تعليق
Links to this post:
إنشاء رابط
<< Home